ZER IKASI DUT?

Jarraian datorren hitz multzo honetan, aurtengo lehenengo lauhilabetekoan ikasitako guztiari buruzkoa izango da. Egia esateko, gauza asko ikasi eta barneratu ditudala uste dut. Klasean jorratu ditugun gai askoren inguruan nire jakintza handitu dela esan nezake, hau da , nekiena baino askoz gehiago dakit orain. Adibidez, hezkuntza sistema zer den, zelako curriculuma dagoen, gizartearen eragina hezkuntzan, irakaslearen lana zelan egin behar den, ikasleen hartu emanak eta jarrerak, teknologia berriei, eta erabilitako teknologia berriei buruz hitz egingo da. Horregatik, ondoren datozen paragrafoak hori buruzkoak izango dira.

 Hezkuntza ezaguerak irakatsi eta ikasten diren erakundea da, non irakasleek ikasleei irakatsi eta ikasleek ikasi egiten duten. Hezkuntza sistemaren barruan, bi etapa derrigorrezkoak daude, hau da, pertsona guztientzat derrigorrezkoak diren erakundeak dira. Hala nola, lehen hezkuntza eta bigarren hezkuntza. Hezkuntzarako guneak izateaz gainera, eskolak gizarteratzeko tresna garrantzitsuak dira, haurren kasuan bereziki, familiatik gizartera pasatzeko zubi moduan izana. Kasu horretatik, ezaguerak transmititzeaz haraindi, egiten, izaten eta elkarrekin bizitzen ikasteko erakundea da eskola.

 Hezkuntza sisteman ematen diren gaiak, arauak, liburuak, etab. gobernuak ezartzen ditu. Hots, arlo hau jorratzeko, hezkuntzako erakunde bat sortzen da, eta hauen betebeharra ikasturte berrietako plana egitea izango da, hau da, azken batean, curriculuma osatzean datza. Gainera, gobernuaren esku-hartzea dagoenez, beraien ideologia ezarriko dute modu zuzen batean. Adibidez, gaur egun PP- du boterea Espainian, eta beraz, LOMCE plana martxan jarri nahi dute.

 Badirudi, hezkuntza sistemak eragin zuzena du gizartearengan. Hots,kultura, maila soziala eta ohiturak modu baten edo beste baten aldatzen joan dira, eta gaur egun hezkuntza sisteman parte izatea familia gehienen eginkizun eta betebehar garbia da.

 Alde batetik, ikasgai honetan, metodologia desberdina erabili dugula uste dut, hau da, talde lanetan asko aritu garenez, ikaskideei esker nire buruarentzat ezjakinak ziren hainbat gairi buruzko informazioa eta jakintzaz hitz egin dugunez, ondorioz, ikaskideekin ikasi dudala uste dut. Hau da, besteen azalpenak entzunez eta barneratzean, gauza berriak ikasi ditut. Hala nola, hezkuntza sisteman jorratu beharreko hainbat gai; distiplina, adimen emozionala, autoestima, integrazioa, tratu txarrak, bakerako hezkuntza, LOE vs LOMCE, irakasle on baten papera zelakoa izan behar duen eta Euskal Herriko hezkuntza sistema zelakoa den ikasi dut.

 Beste alde batetik, irakaskuntzan aritzea zer den gehiago lantzeko aukera eman didala uste dut. Hau da, maila batez irakasle ideala zer den eta bere betebeharrak zeintzuk diren ikasi dut. Irakasle ideala zelakoa izan behar den erreparatuz, bokaziodun pertsona bat izan behar du, harreman onak izaten dituen pertsona bat, hots, ikasle-irakasle arteko hartu emanak zentzuk zuzentzen dakiena, konfiantza eman behar duena eta motibazioa landu behar duena. Laburbilduz, umeen gidaria den pertsona bat da.

 Betebeharrei erreparatuz, esan nezake, ikasleak irakatsi eta hezteko helburua izango duela. Gainera,irakasle talde barruan, tutoretzari buruz jorratu gara. Hau da, tutorearen lana zelakoa izan behar duen murgildu gara, eta benetan antzeman dut ez dela bat ere erraza tutorearen lana. Tutoretza- plana ikasleen eskolatze-aldi osoan orientazio eta jarraipen ekintza guztiak antolatzeko egitura da. Bertan, oinarrizko gaitasunak lortzea da orientazio eta jarraipen ekintza horien helburua. Tutorearen funtzioa, guraso, irakasle eta ikasleekin egindako bilera edo elkarrizketen bidez (bakarka zein taldeka) eta ikasleen martxa akademikoa, pertsonala eta soziala hobetzeko helburuarekin betetzea da. Beste era baten esanda, gogoeta, ekintza eta ebaluazio prozesuak dira.

 Tutoretzari buruzko, film txiki bat egin behar izan genuen, zehazki, tutoreak lehen hiruhilabetekoa bukatu eta gero, ikasle baten gurasoekin izan zuen bilera izan zen. Grabaketa egin baino aurretik, tutore batek bilerak noiz egiten dituen (kurtso hasiera, erdialdean, bukaeran eta kasu espezialetan) , zertarako balio duen, elkarrizketa egiteko zelako giroa sortu behar duen irakasleak, hau da, tutorearen jarrera oso premiazkoa izango da (adeitasuna, jarrera positiboz hitz egitea, tonu positiboa erabiltzea, sinpatia, entzuten jakitea, etab) , elkarrizketara eraman beharrekoak (ikaslearen informazioa, ikasgaien helburuak, nota boletina…) eta zelakoa izan behar den planifikazioari (elkarrizketa egiteko gidoia) buruzko informazioa batu ondoren, grabaketa egin genuen. Eta aurretik prestatuta izan harren, momentuan urduritasuna ematen duela nabarmendu ginen. Laburbilduz, esan nezake, lan potoloa izan harren, oso polita izan dela, eta pertsonalki oso baliagarria izan dela.

 Amaitzeko, blogari egingo diot erreferentzia. Oso tresna baliagarria iruditu zaidala aipatu behar du, azken batean, Juan Abasolorekin elkar komunikatzeko tresna oso egokia izan da., hau da, metodo erabilgarria izan da. Bertan hezkuntza sistemari buruzko gogoeta asko egin ditugu, eta horrek pentsatzeko aukera eman digula uste dut. Gainera, gaur egun, teknologia gabe ezin dugu “iraun” eta ikasteko modu egokia iruditu zait. 

Besterik gabe, lauhilabeteko honetan ikasi dudana kontuan izanda, nire irakasle ideala hobeto garatzen eta sakontzen trebatu naiz. Esker mila guztiagatik.

MAPA KONTZEPTUALA

MAPA KONTZEPTUALAREN AZALPENA (Zer ikasi dut?)

Hasteko esan beharra daukat, asko ikasi dudala hainbat alorretan, ez bakarrik irakasle funtzioko alorrean, baizik eta informatika eta talde-lanaren alorretan ere.

Inoiz ez naiz izan trebea, ordenagailu, internet, blog eta gauza elektronikoekin oro har. Baina ikasgai honek, ezagutza didaktikoa emateaz gain, ezagutza teknologiko hau ere eman dit, eta eskertzekoa da hori. Ezagutza hori jasotzeko, blogean murgildu gara: Nola igo argazkiak? Nola igo mapa kontzeptualak? Nola igo bideoak? Azken batean, eginez ikasten da, eta nik halaxe ikasi dudala esango nuke.
Hori esanda, talde-lanaren ezaugarriak ere ikasi ditugula iruditu zait. Hainbat lan egin ditugu batera, eta guztion parte hartzea eskatzean, denok ibili gara solasean gure lanak aurrera ateratzeko, denon iritziak errespetatu dira, denok lan egiteko era ezberdinak izna arren, beste eratara ere moldatu gara...
Oso esperientzia polita izan da alde honetatik ere.
Didaktikoki, edo ikasgaiaren ildotik, esan beharra daukat, ni nahiko gustura ibili naizela, izan ere, blogean norberaren gaiak jorratzeko haukera izan dugu eta horiek ezagutzera emateko eta guk geuk hobeto ezagutzeko aukera ere izan dugu. Horretaz gain, moduloko lanaren inguruko hainbat testu landu ditugu, guretzat lagungarriak izango direnak lana egiterakoan; tutoretza ere landu dugu, gainera puntu hau, asko gustatu zait, garrantzitsua iruditzen zait gurasoekin nola tratatu behar den jakitea etorkizun baterako eta gainera oso lan bateratsua izan da taldearentzat. Legeak ere ikasi genituen kurtso hasieran (LOMCE, LOE...) hau da, guri datorkiguna... Hezkuntzaren alorrean egindako esperimenduen artean ibili gara (Pigmalion efektua)...
Gehien gustatu zaidan lana, eta paragrafo bat merezi duena, irakasle miresgarriari eginiko lana da. Lan honekin, asko ikasi dut nik behintzat, eta nire taldekideek ere haixe ikasi dutela uste dut. Gure irakaslearen ikuspuntuak batu genituen "ikuspuntu perfektu" baten bila... eta honekin ondorioak atera genituen.
Mintegiei dagokionez, 1.Mintegia, gu elkar ezagutzeko zela argi ikusi nuen nik, horretaz gain, gure gaitasun komunikatiboa lantzeko ere erabili zen. 2.Mintegia ordea, hezkuntzan ikusten ditugun ezaugarriak lantzeko (konfidantza gure kasuan) balio izan zigun hasiera batean, baina, hori gutxi balitz, ebaluaketa taula bat egin genuen gure entzuleak ebaluatzeko.
Filmak/dokumentalak, oso interesgarriak izan dira. Niri, "La educación prohibida" pertsonalki, begiak ireki dizkidala esan dezaket; konturatu naiz, guk bizi izan dugun irakaskuntza ez dela bakarra, eta badagoela nik bezala pentsatzen duenik; honek poztasun handia eman dit.
Bukatzeko, irakaslea ebaluatu dugu, oso era ona da, ikasleak zer uste duten eta zer hobetu behar den ikusteko. Beti hobetu daiteke, hori argi dago, eta batzuetan kanpotik esaten badigute ikusten ez ditugun gauzetaz konturatu gaitezke.

Oro har, oso irakasgai interesgarria iruditu zait eta oso gustora egon naiz. Hala ere, kritika pixkat bat eginez, teknologia gehiegi nabarmentzen dela uste dut irakasgaian, eta lanak ere gehiegizkoak direla iruditzen zait, izan ere, kalitatea lortzeko kantitatea ere neurtu beharra dago.

Ikasitakoak zertarako balio izan digu? Mapa kontzeptuala

TUTORE LANAK

Orain aste batzuk, tutoretzari buruz hitz egiten eta informazioa jasotzen hasi ginen. Egia da, orain arte izan dugun jarrera, ikasle baten ikuspegitik izan dela, eta horregatik, irakaslearen paperean jartzean, konturatu nahiz tutore batek duen lan “estra” hori benetan konplikatua dela.

Hasteko, tutore bat bere ikasle baten gurasoekin egin behar duen lehen elkarrizketan, ikaslearen informazio pertsonala eta akademikoaz barne, ikasle horren familia mota zelakoa den ezagutu beharko du. Hau da, ez da berdina izango, familia tradizional batekin elkarrizketa izatea eta banandua dagoen familia baten elkarrizketa.

Zergatik aipatzen dut hau? Azken batean, ikaslea zer motatako kulturak, tradiziok, ingurugiro, maila sozioekonomiko, etab-ek  elkarrizketa egiterakoan kontuan izan beharreko gauzak izango dira. Gainera, elkarrizketa giro erosoan eta aproposean egiteko  trikimailu ezin hobeak dira.

Beste alde batetik, ikaslea ezagutzea sustatu behar dela uste dut. Pertsona bakoitza desberdinak garelako, eta horregatik “etiketak ” alde batera utzita, ikaslea ezagutzeko aukera izango dugu eta aldi berean ikaslea irakaslea ezagutzeko aukera ezin hobea izango da. Esan beharra daukat, ikaslearen nota akademikoei buruzko informazioa bere gurasoei transmititzea askotan ez dela bat ere erosoa izaten, horregatik, komenigarriagoa izaten da elkarrizketa hasterakoan, haurraren gauza positiboez hitz egiteaz, eta gero modu ez erasokorrean gauza negatiboez hitz egiten hastea.

Bukatzeko, aipatu beharra dut, gure kasu “hipotetiko” bakarrari egin geniola, eta izugarrizko lana iruditu zitzaigula. Horregatik, nabarmendu nahi dut, benetan talde oso baten tutorea izatea izugarrizko pisua duela. Azken batean, tutorea, ikaslearen garapenaren gidaria izan beharko da, ahal duen guztietan laguntzeko.

HEZKUNTZA ETA TEKNOLOGIA BERRIAK

Azken aldian, denok antzeman dugu aldaketa teknologikoa hezkuntzan, baina onuragarria al da, material guztia web batean egotea? Edo lanak egiteko ordenagailu bat behar izatea?

Pertsona askorentzat ez da posible ordenagailu bat izatea, izan ere, orain, krisialdian gaude eta familia askok ezin dituzte ia ikasketak ordaindu… nola ordainduko dute bada, material teknologiakoa? (ordenagailua, internet…) Gastu hauek, gu umeak ginenean ez ziren existitzen eta gaur egun ordenagailurik gabe ez zara inor?

Nire uste apalean, ordenagailu eta teknologia gabe inor baino askoz ere aberatsagoa zara, izan ere, pertsonalitatea gehiago garatuko duzu eta, ez diozu inolako beharrik sortuko zeure buruari.

Egia da teknologiak alde onak badituela, baino posibilitaterik ez dauzkatenentzat mundu itxia da hori. Beraz hezkuntzan, mota honetako teknologietan oinarritzea akats oso handia dela iruditzen zait eta gainera diskriminazioa eta klasismoa bultzatzen duen jarrera dela uste dut.

Non geratu dira, boligrafoak, arkatzak, kola eta guraizeak? Eskuz egindako lanak, balore sentimental gehiago du egiten duenarentzat eta jasotzen duenarentzat. Horretaz gain, kopiatzea ekiditen duzu, edo behintzat, berak eskuz kopiatzean, testua barneratzen duela jakin dezakezu.

Hau aldatzeko, metodo bat bururatu zait:

Ondo dago, klase orduetan ordenagailua erabiltzea eta honek dituen ezaugarriak barneratzea eta ikastea, baina etxerako lanak bidaltzean, eskuzko lanak bidali beharko genituzke, nahi bada klasean ordenagailuarekin ikasitakoa garatu dezakete ikasleek, baino, inoiz ez diogu ordenagailu bat erostera derrigortuko.

Beste irtenbide bat, eta nire ustez bidezkoena… material eskolarra, eskolan bertan EMATEA izango litzateke. Horrela denok berdintasun batean jokatuko lukete eta ez zen diskriminaziorik egongo. Baino badakigu hau, ezinezkoa dela… beraz egin dezagun ahal dugun guztia hezkuntzan berdintasuna bultzatzeko.

Animaliek ere sentimenduak dituzte

Gaurko sarrera honetan, Youtube-en asko harritu ninduen bideo bati buruz hitzegitea gustatuko litzaidake. Aipatutako bideo honetan, leopardo animal harrapari batek tximino bat hiltzen du, janaria lortzeko asmoz, baina tximinua hil ondoren, tximinuaren umea aurkitzen du, eta bi tximinoak jan ordez, tximino txiikia zaintzen saiatzen da.
Beste edozein pertsonari bideo honetan ikusten dena normala dela, tontokeri bat dela, kuriosoa dela... iruditu ahal zaio, baina nire ustez, bideo honekin, animaliak sentimenduak dituztela argi gelditzen zait, eta kasu konkretu honetan "leopardoa" eduki duen jarrera ezin hobea izan dela iruditzen zait.